hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Երկուշաբթի, Հոկտեմբեր 08

Հանգստյան օրերն Արենիում. Ագրարայինցիները մասնակցեցին Գինու փառատոնին

Շարունակելով ուսանողների հանգստյան օրերի արդյունավետ կազմակերպումը՝ ՀԱԱՀ ուսանողական խորհրդի նախաձեռնությամբ Ագրարային համալսարանից շուրջ 120 ուսանող հոկտեմբերի 6-ին Արենիում մասնակցեց Գինու 10-րդ ավանդական փառատոնին, որն այս տարի նվիրված էր աշխարհահռչակ շանսոնյե Շառլ Ազնավուրին: Ուսանողներին էին միացել նաև ՀԱԱՀ ռեկտորի

պաշտոնակատար Վարդան Ուռուտյանը և ուսումնական աշխատանքների գծով պրոռեկտոր Ռոբերտ Մակարյանը: Փառատոնը հիանալի հնարավորություն էր ստեղծել հայ գինի արտադրողների համար ներկայանալ ոչ միայն հայ, այլև միջազգային այցելուներին, ցուցադրել իրենց արտադրանքը, ձեռք բերել նոր գործընկերներ:
Արենի գինու փառատոնն անցկացվում է 2009 թվականից ի վեր: 2010թ. Արենի գյուղի տարածքում գտնվող քարանձավում հայտնաբերվեց աշխարհի ամենահին գինեգործարանը, ինչն էլ ավելի մեծացրեց փառատոնի կարևորությունը, և ժամանակի ընթացքում այն մեծ հետաքրքրություն առաջացրեց ոչ միայն Հայաստանում, այլև ամբողջ աշխարհում: Այս տարի փառատոնին մասնակցում էին միջազգային գինեգետներ, ճանաչված մի շարք սննդային բլոգերներ (Food bloggers), զբոսաշրջիկներ Ռուսաստանից, Իրանից, Գերմանիայից, Իսպանիայից, Իտալիայից, Ֆրանսիայից և այլ երկրներից: Նրանց հետ միասին ագրարայինցիները մասնակցեցին գինի արտադրողների ցուցահանդես-տոնավաճառին, գինու հասարակական և պրոֆեսիոնալ համտեսին, հայկական լավագույն ռեստորանների կողմից պատրաստված ավանդական կերակրատեսակների ցուցահանդես-վաճառքին, վայելեցին ազգային երգն ու պարը, դիտեցին թատերական բեմադրություններ:

Նրանք այցելեցին նաև Արենի գյուղի մոտակա բարձունքում գտնվող Սուրբ Աստվածածին եկեղեցի, որը, ըստ եկեղեցու արևմտյան մուտքի արձանագրության, 1321թվականին կառուցել է Մոմիկ ճարտարապետը Սունյաց արքեպիսկոպոս Հովհաննես Օրբելյանի պատվերով:
Ամփոփելով ուսանողների՝ փառատոնից ստացած տպավորությունները՝ ՀԱԱՀ ուսանողական խորհրդի փոխնախագահ Կարեն Ղարախանյանը նշեց, որ փառատոնը հրաշալի հնարավորություն էր ՀԱԱՀ-ի 1-ից 5-րդ կուրսի ուսանողների համար ոչ միայն միասին բացահայտելու հայկական գինեգործության ավանդույթները և ճանաչելու Հայաստանը՝ որպես գինու օրրան, այլև առաջին կուրսեցիներին ինտեգրելու ակտիվ ուսանողական կյանք, սերտ ընկերական կապեր հաստատելու առաջին և բարձր կուրսեցիների միջև:
Նշենք, որ Արենի գինու փառատոնն անցկացնում է «Արենի փառատոն» հիմնադրամը՝ ՀՀ տնտեսական զարգացման եւ ներդրումների նախարարության, ՀՀ գյուղատնտեսության նախարարության, ՀՀ Զբոսաշրջության պետական կոմիտեի, Հայաստանի զբոսաշրջության զարգացման հիմնադրամի, Հայաստանի խաղողագործության և գինեգործության հիմնադրամի, «Ջի-Այ-Զեթ» Հայաստանի և Հայաստանի համայնքների միության աջակցությամբ: Այս տարի փառատոնի գործընկերներից էր նաև Ի ՎԻ Էն գինու ակադեմիան, որն աջակցում էր փառատոնի շրջանակներում իրականացվող գինեգործների մրցույթի կազմակերպչական աշխատանքներին: Միջոցառման նպատակն է զարգացնել գինու զբոսաշրջությունը, ապահովել Հայաստանի ճանաչելիությունը որպես գինու օրրան, ինչպես նաև խթանել համայնքներում խաղողագործութունը և բնակչության կենսամակարդակի բարձրացումը:


Նազելի Ավագյան

 

ՀԱԱՀ ռեկտորի մրցույթին մասնակցելու համար դիմել է մեկ թեկնածու

ՀԱԱՀ ռեկտորի մրցույթին մասնակցելու համար դիմել է մեկ թեկնածու 

Դեկտեմբերի 14-ին, աշխատանքային օրվա ավարտին, լրացավ «Հայաստանի ազգային ագրարային համալսարան» հիմնադրամի ռեկտորի թափուր պաշտոնի համար հայտարարված բաց մրցույթին մասնակցելու համար հայտերի ընդունման վերջնաժամկետը: Նշված ժամկետում մրցույթին մասնակցելու համար դիմում է ներկայացրել մեկ հավակնորդ՝ Համալսարանի ռեկտորի պաշտոնակատար Վարդան Էդիկի Ուռուտյանը:


«Հայաստանի ազգային ագրարային համալսարան» հիմնադրամի հոգաբարձուների խորհրդի քարտուղար Կարեն Ղարախանյան

...

Նիդերլանդների կրթաթոշակային ծրագիր

Ծրագիր ԱՄՆ-ում առաջնորդական հմտություններով ուսանողների համար

ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10