hy
Armenian (Հայերեն)Russian (Русский)English (United Kingdom)

ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆ

Anything in here will be replaced on browsers that support the canvas element

Շնորհավորանքներ

«Չմոռացվող ցավ» խորագիր

Օնլայն հարց ու պատասխան skype ծրագրի միջոցով երկուշաբթի,չորեքշաբթի,ուրբաթ ժամը՝ 10:00-12:00-ը
Հինգշաբթի, Հունիս 14

Դասավանդում Իսպանիայում

2018 թ. մայիսի 28-ից հունիսի 1-ը Էրազմուս+ ՀԳ1 Միջազգային կրեդիտային շարժունու-թյուն ծրագրի շրջանակներում Հայաստանի ազգային ագրարային համալսարանը ներկայացնող խումբը՝ Բարձրագույն մաթեմատիկայի և տեսական մեխանիկայի ամբիոնի վարիչ, պրոֆեսոր Աղավարդ Խաչատրյանը, Գրաֆիկայի և մեքենաների

նախագծման հիմունքների ամբիոնի պրոֆեսոր Արա Ամիրյանը և Հիդրոտեխնիկական կառուցվածքների և մելիորացիայի ամբիոնի դոցենտ Նաիրա Ալոյանը, մասնակցեցին Իսպանիայի Միգել Հերնանդեսի համալսարանի Էլչե և Օրիհուելլա քաղաքների մասնաշենքերում կազմակերպվող դասավանդման գործընթացին: Խմբի անդամներին ընդունեց Միգել Հերնանդեսի համալսարանի միջազգային կապերի աշխատակցուհի Մոնիկա Կանդելա Սեմպռեռեն, ով այցելության ամբողջ ընթացքում, ըստ անհրաժեշտության, իր օգտակար աջակցությունն էր ցուցաբերում մեր ներկայացուցիչներին:
Աշխատանքային շաբաթվա ընթացքում ՀԱԱՀ խմբի անդամները նախօրոք ծրագրավորված և համաձայնեցված թեմաների շուրջ դասախոսություններ վարեցին համապատասխան մասնագիտությունների ուսանողների համար: Սեմինարներն ընթանում էին թեմատիկ հարց ու պատասխաններով, երբ հստակեցվում և պարզաբանվում էին ընդհանուր հետաքրքություն ներկայացնող հարցերը և խնդիրները:
ՀԱԱՀ խմբի անդամները հնարավորություն ունեցան նաև ծանոթանալու տարբեր երկրներից ներառական կրթություն ստացողների շրջանում համալսարանի կողմից տարվող աշխատանքներին, ինչն իրականացվում է Էրազմուս+ի շրջանակներում:

Տեղի ունեցան նաև մի շարք մասնագիտական կարևոր նշանակություն ունեցող աշխատանքային հանդիպումներ, մասնավորապես, Միգել Հերնանդեսի համալսարանի Գյուղատնտեսության ճարտարագիտության ֆակուլտետի դեկան, պրոֆեսոր Աբադիա Սանչես Ռոդրիգեսի, Մեքենաշինության դեպարտամենտի տնօրեն, պրոֆեսոր Ալբերտո Ռոդրիգես Մարտինեսի և նրա տեղակալ Ռամոն Պերալ Օռտսի հետ: Հանդիպումների ընթացքում անդրադարձ եղավ փորձի փոխանակմանը.մեր պատվիրակները ծանոթացան համալսարանում իրականացվող ուսումնական գործընթացի առանձնահատկություններին, դասավանդման և ուսումնառության մեթոդներին, կիրառվող կրեդիտային համակարգին, ուսումնական պլաններին:
Միջազգային շաբաթվա ընթացքում մասնակցությունը սեմինարներին, աշխատանքային քննարկումներին հնարավորություն ընձեռեց նոր ծանոթությունների ստեղծման, հյուրընկալող համալսարանի փորձի ուսումնասիրման, ինչպես նաև փորձով ու գիտելիքներով կիսվելու և սկիզբ դնելու նոր գործընկերային հարաբերությունների, ինչու չէ նաև ծանոթանալու Վալենսիայի բնությանը, պատմությանն ու մշակույթին: Իսպանիայի գործընկերներն իրենց մտադրությունը հայտնեցին ընթացիկ տարում Էրազմուս+ Միջազգային կրեդիտային շարժունություն ծրագրի շրջանակներում այցելելու Հայաստանի ազգային ագրարային համալսարան, փորձի և գիտելիքների փոխանակման նպատակով` էլ ավելի սերտացնելով միջհամալսարանական կապերը հեռանկարային հնարավոր համագործակցության ակնկալիքով:

Արտաքին կապերի դեպարտամենտ

 

ՀԱԱՀ-ի Լեզվի ուսուցման կենտրոնը կազմակերպում է օտար լեզվի դասընթացներ

ՀԱՐԳԵԼԻ
ԳՈՐԾԸՆԿԵՐՆԵՐ

     ՀԱԱՀ-ի Լեզվի ուսուցման կենտրոնը 2019 թ. հունվարի 21-ից կազմակերպում է օտար լեզվի (անգլերեն) դասընթացներ hամալսարանի պրոֆեսորա-դասախոսական և ուսումնա-օժանդակ կազմի համար: Անգլերենի դասընթացները, ըստ լեզվի տիրապետման, նախատեսված են Սկսնակ Ա, Սկսնակ Բ, Նախամիջին, Միջին և Առաջավոր մակարդակների համար: Ուսման մեկ փուլի տևողությունը 2 ամիս է (36 ժամ), իսկ մեկ դասընթացինը` 90 րոպե (10 րոպե ընդմիջմամբ): Պրոֆեսորա-դասախոսական և ուսումնաօժանդակ կազմի համար ուսման մեկ փուլի (2 ամսվա) վճարը կազմում է 7000 դրամ, ևս 7000 դրամ սուբսիդավորում է Համալսարանը: Յուրաքանչյուր փուլից հետո ունկնդիրներն անցնում են ավարտական թեստավորում, որն հաջողությամբ հանձնելու դեպքում փոխադրվում են ուսուցման հաջորդ մակարդակ: Դասընթացներին մասնակցելուց առաջ նախնական թեստավորումն անցնելու նպատակով դիմորդներին խնդրվում է դիմել Լեզվի ուսուցման կենտրոն` 2-րդ մասնաշենք, 219 սենյակ, հեռ.` 010 58-21-43, ներքին՝ 2-92։


...

Ուսանողական գիտական աշխատանքների միջազգային առցանց մրցույթ

Ուսանողական գիտական աշխատանքների միջազգային առցանց մրցույթ

«Սևծովյան գիտություն» ("Black Sea Science") միջազգային ուսանողական մրցույթի կազմակերպչական կոմիտեն հրավիրում է մասնակցելու «Սևծովյան գիտություն 2019» ("Black Sea Science 2019") ուսանողական գիտական աշխատանքների միջազգային առցանց մրցույթին, որը տեղի է ունենալու Օդեսայի սննդի տեխնոլոգիաների ազգային ակադեմիայում (Ուկրաինա) «Սևծովյան համալսարանների ցանց» միջազգային կազմակերպության աջակցությամբ: Գիտական աշխատանքները կարող եք ուղարկել մինչև 2019 թ.-ի հունվարի 15-ը հետևյալ էլ. հասցեին. int_competition@onaft.edu.ua:
Մանրամասների համար այցելեք.
http://isc.onaft.edu.ua/

...

Միջանկյալ հաշվետվության ներկայացում

Միջանկյալ հաշվետվության
ներկայացում

     Ագրարային քաղաքականության և տնտեսագիտության հետազոտական կենտրոնը 2018թ. դեկտեմբերի 6-ին, ժամը 13:30–ին, կներկայացնի «ՀՀ գյուղատնտեսական արտադրանքի իրացման, մրցունակության բարձրացման կառուցակարգերի կատարելագործումը և արտահանման ընդլայնման ուղիները» գիտական ծրագրի միջանկյալ հաշվետվությունը: Ցանկացողները կարող են ներկա լինել ՀԱԱՀ 1-ին մասնաշենքի 245 լսարանում:
Ագրարային քաղաքականության և տնտեսագիտության հետազոտական կենտրոնի տնօրեն Ա. Ե. Ոսկանյան

...
ԱԳՐՈԼՈՒՐ

Իրադարձությունների օրացույց

Դեկտեմբեր 2018
Կիր Երկ Երք Չրք Հնգ Ուբթ Շբթ
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Գրանցվեք նորությունների համար

10